کینیڈا کی آرٹسٹ نےملالہ یوسف زئی کوگڑیا کی شکل دے دی۔

ملالہ یوسفزئی اب گڑیا کے روپ میں نظر آئیں گی۔ کینیڈین آرٹسٹ نے دنیا کی چند با اثر خواتین کو بریٹس ڈول کے روپ میں ڈھال دیا۔

کھلونوں کی دکانوں میں سجی بچوں کی مقبول گڑیا بار بی ڈول اور بریٹز ڈول کو عام طور پر فیشن ڈول کے طور پر دیکھا جاتا ہے لیکن کینیڈین آرٹسٹ وینڈی ساؤ ،نے اس فیشن ایبل گڑیا کو حقیقی دنیا



کی متاثر کن خواتین کے روپ میں ڈھال دیا ہے۔

ان میں پاکستان کی کم عمرامن نوبل انعام یافتہ ملالہ یوسفزئی اور مصنفہ جے کے رولنگ سمیت معروف خواتین شامل ہیں۔ وینڈی تساؤ کا کہنا ہے کہ اب لڑکیاں بریٹس ڈول کو رول ماڈل خواتین کے روپ میں دیکھیں گی ۔ان کے مطابق یہ گڑیاں نوجوان لڑکیوں میں موجود صلاحیتوں کو نکھارنے میں معاون ہوں گی۔